Pages - Menu

2013年7月16日 星期二

介口


自從有左之後, 同埋知道中左妊娠糖尿病之後
食野對我來說真係無左興趣
以前我唔鐘意 side 食物, 通常都盡量食哂啦
現在係想食都唔食得

懷孕已經很多野唔食得
加上妊娠糖尿 要節制飲食
唔可以食甜野 + 甜既飲品
很攞命
食多少少就驚超標
基本上每餐都食唔飽


以前我唔減肥就係知道自已的定力唔得
現在可能為左 bb
發覺自己定力原來很掂

不過上星期, 衰人生日
free 左個 cova cake 比佢
3個月無食的 mango cake
真係忍唔住, 本來只食2啖
但食食下食左 一小塊
真係天上的美味

再咁下去, 我真係怕自己控制唔到自己...嗚嗚


快些捱完, 到 12月就好了

最擔心的係 10-11月的 糖尿高峄期
果時真係要介得仲要清 d

2013年7月15日 星期一

探索大自然遊學園 x 動物農莊


介紹下個得意活動, 不過16/7 就完啦, 有興趣快些參加






(索大自然遊學園 x 動物農莊」http://www.naturefun.hk/


今年動物農莊將會以海洋為主題,所以寶礦力水特亦都特別整左海灘佈景俾大家影靚相,等你可以同BB影沙灘寫真。仲可以即時參加「陽光‧活力Seaside Baby」拍攝比賽,競逐成為寶礦力水特喺Baby-mo雜誌嘅廣告主角!
除左到場影靚相,如果你手頭有靚相亦可以即時上載參加比賽

俾返少少今次有關活動的資料給你:
寶礦力水特現正舉行「陽光‧活力Seaside Baby」拍攝比賽,呼籲所有爸爸媽媽一齊幫寶寶影低最夏日陽光活力一面,然後upload上Facebook呼籲朋友like寶寶張靚相。最多like的寶寶就會成為寶礦力水特在Baby-mo雜誌中廣告主角!
其他詳情,可以上呢個網址睇睇:https://www.facebook.com/Babymo.Hongkong/app_177224455786473

參加者年齡:0-6歲

評分標準:
1. 候選Baby的夏日陽光與活力指數
2. 候選Baby的可愛造型
3. 上載照片於Facebook上的受歡迎程度
參加辨法:
於活動期間登入Baby-mo Facebook相關活動專頁,上載最能展現BB夏日炎炎,
充滿陽光活力一面的相片乙張,然後請朋友投票支持,便有機會競逐「寶礦力
水特陽光‧活力Seaside Baby」,成為廣告主角。為配合「陽光‧活力Seaside
Baby」這個主題,大會更於7月11至14日假亞洲博覽館的「探索大自然遊學
園 x 動物農莊2013」特別搭建以碧海藍天,充滿夏日感覺為主題的海灘佈景讓
大家拍攝Seaside Baby候選照。而凡到會場拍攝候選的Seaside Baby更有機會競
逐「寶礦力水特最Camera Face海洋活力寶寶」名銜。
上載照片日期:2013年6月29日至7月16日
截止like數量日期:2013年7月16日﹝晚上11:59﹞

呢排天氣炎熱,都提提你,之前曾有醫生於講座表示兒童較易中暑,主要是因為身體發育尚未成熟而影響散熱。兒童腦下垂體發育未完全成熟以及汗腺調節功能未完善,以致過熱時未能及時給身體發出訊號排汗,因此,兒童比起成年人更易中暑。另外,兒童體形較小,身體表面蒸發水份的速度比大人快,加上新陳代謝迅速,出汗量較大而令水份快速流失,亦是較易中暑的原因。
而且小朋友是熱病高危一族,
以我們要記住時刻幫佢地補充水分。而寶礦力水特好啱家長沖俾小朋友飲用,因為佢同體液成份相近,小朋友好快就吸收到,又唔會增加身體額外負擔,一歲半以上嘅小朋友就飲得架喇

2013年7月12日 星期五

嚇破膽的唐氏綜合症 @ nifty (3)

嚇破膽的唐氏綜合症 @ nifty (3)

我係 QE 係 25/6 CHECK OSCAR
當時頸皮 OK 的, 係 2.1MM
唔過 3MM 都合格的

之後 我 一早無想過的 OSCAR RESULT
已會做 NIFTY, 就 係 27/6 做 NIFTY
初步都唔似 唐 B, 所以我以為放下心頭大石啦

點知, 28/6, QE 打比我
話我 OSCAR 高危, 要我考慮抽羊水
我雖心知 OSCAR 唔準
但一聽到高危都很驚
我的 RATIO 係 1:240
1:250 先合格
咁我其實都唔高既, MAMA會有人 1:25, 1:65, 仲驚

不過一向膽小既我, 就開始擔心啦
本來一直都很有信心
跟住我SEARCH 下 BK 啦
有人話去完 NIFTY, ULTRASOUND 都合格
驗完血話係唐B
MAMA 會仲大 WOK, 有2個 MAMA CHECK 完 NIFTY
一個 中 T18, 一個中 T21, 2個 BB 都要人工流產

看完後, 我真係嚇到唔知點形容
最大原因係我高齡, 很怕中呀
我常常想, 我自已真係接受唔到依D 打擊
比左我, 要攞番
我做唔出要我決定 BB 的去留
BB 已在我肚內 3個月, 血脈真係雙連
真係做唔出, 我同衰人講, 如果係我
我可能會 SHORT 左

跟著果個星期等REPORT 啦
食唔安, 睡不好
好不容易捱到 星期五, 點知
打去問, 要 DELAY 一星期
問原因就話人人基因唔同
心情真係 DOWN 到難以形容

果個星期, 仲更加咩心情都無
食唔到, 睡不好
日日想, 如果唐B 我點算呢
衰人一定話唔要
我都知唔可以要, 能力基本照顧唔到

最慘係我想, 係唔係我個 RESULT 很差
要 DOUBLE CHECK 先要 DELAY 一星期呢
真係很嚇破膽
仲有同一日, 同一星期 CHECK NIFTY 的 MAMA
星期一已有 RESULT
我要 DELAY 一星期

終於, 早了一日, 星期4的早上
接到姑娘電話
聽到唔係醫生打比我
都已鬆了, 因為如果中了, 係醫生打比佢的
聽到 姑娘話 LOW RISK
我已喊了出來
完全講唔到野
真係很開心
可能忍了一星期, 真係要爆下出來先可以放鬆

豆豆我同你一起又過了 一關

最後的 20週 結構 過埋關
就真係可以安安心心等你出來了

真係養兒100歲
長憂 101
仲要係由肚內開始








嚇破膽的唐氏綜合症 @ nifty (2), 豆豆是男定女?

嚇破膽的唐氏綜合症 @ nifty (2)


看完 DR. LAU, 很開心知道 豆豆 應不是 唐 B

仲知道左 豆豆係 男定 女TIM 呀

HAHA


我問 DR. LAU , 佢話 應該 係 ....................囡囡
嘩, 我開心都爆..........
我我終於有個 囡啦
今次博得很值
很感謝神 送個 囡比我呀
真係很感恩

我立即望下衰人, HAHA
因為佢很唔抵得我, 如願以賞........HAHA
佢常說 豆豆係 仔, 咁佢 就係 3 父子, 得我一個 女人,
樣樣都 3:1

HAHA. 現在 係 2:2
分分鐘 都係 3:1, 不過因為衰衰都會企我果邊的
收賣下佢.......HAHA

實在太開心, 要去慶祝下
記得我們買了樓, 去簽完野就去 CAFE LANDMARK 慶祝

今次經過, 就去番 CAFE LANDMARK HIGH HIGH 佢先
不過時間仲早, 只有 早餐, 一天食了2次早餐, 笑C








實在太高興, 仲破了3個月的例, 飲了 檸茶

仲飲了 蘋果汁

好彩之後 量 血糖沒有超標


放下心頭大石, 終於過了 危險的3個月
一切都很順利

豆豆, 等你 12月出來 見面 呀








第一次 血糖超標

第一次 血糖超標


我尋日食左2條炸豬扒+飯碗大的烏冬, 
一個小水蛋日本果d
2件豆腐, 飯碗的麵鼓湯

其實都唔飽的
因為去了板長, 竟然無炒什菜果d
無左依賴佢飽肚的菜類

但都超標呀, 嚇c 我
 出街食野真係要很小心

飯後2小時 已 7.4度, 正常係唔可以超出 7 度的

我以為烏冬 可以比飯食多小小,
原來都係一樣

嚇破膽的唐氏綜合症 @ nifty (1)


嚇破膽的唐氏綜合症 @ nifty

早係一知有左, 就知有 nifty 依個 算新的檢查項目
因為如果高齡mama, 通常係要抽羊水以確定是不是唐b
但抽羊水要博, 因為有 1%流產的機會

如果要我抽羊水, 超細膽又怕痛的我, 一定攞我命
知道 nifty 只是抽 mama 血去驗 T13, T18, T21 依D 有重要問題的染色體
就有 99% 準確, 價錢就貴小小, 要 $6000, 不過我覺得物有所值

好不容易捱同等到12週, 我第一時間已 BOOK 左 劉子健醫生做 NIFTY
因為佢可以有埋早期的結構同埋會看到係仔定女TIM 呀
果日很緊張, 一早同衰人去中環
仲去左 勝香園食出名的檸密脆脆



之後就上去 DR. LAU 處, 先照 ULTRASOUND 啦
DR. LAU 都很詳細,
BB 的手指, 腳指 都數哂比你看
基本上心, 肝, 腎, 手, 腳, 血流等等都有看
仲會解釋, 看到心臟有4個 心室, 2個靜脈 SHOW 出唔同色
很清楚呢
我一路照都一路很緊張
因為很想知係男定女
一路都唔敢問問題, 因為怕打擾醫生看得唔清楚

最後, 醫生說 豆豆沒有 唐 B 的 特徵, 心臟, 頸皮都 合格
我很開心呀

醫生仲無講 豆豆係男定女WOR
我終於問醫生啦

HAHA

下回公佈....................

2013年7月11日 星期四

終於3個月啦@25/6/2013


終於3個月啦@25/6/2013

肚明顯大左, 無左條腰了

bb size 由 3.5cm 去到 5.5 cm



上係 10 weeks
下係 12 weeks 了







回想13年前生衰衰時

回想13年前生衰衰時



生衰衰時都唔興BLOG, 所以都無記錄下來
等我用依稀的記憶想下先

衰衰係我放產假幾日後就見紅了
之後我就入院啦
從沒有入過 醫院既我, 其實很怕
唔知點形容
同衰人去KLN CITY食完入院前最後的晚餐
就入浸會了

登記完, 護士原來要幫你潟下
之後就不停的去TOILET, 同埋沖涼

全晚我都有少少痛, 但唔係好痛
早上 度時 只係 1-2度

9:30am 醫生看我, 之後佢幫我穿水
穿水後就開始大痛了
之後護士就 叫我入產房
我開始很怕, 不能控制的哭了
仲比護士丙我
話個個都係咁痛wor
快做媽媽仲哭...

入了去產房
佢比了笑氣我吸, 不過要自已用力吸果隻
我都無力吸了
之後佢轉左不停有的給我
我吸了一會就很暈

之後果 2-3小時就係痛同暈之間度過

其實我開得都算快
仲見護士不停打比醫生
我估我應開到差不多了

12:00時護士問我如真係頂唔順就打止痛針
我本唔想打的, 怕影響到bb
衰人怕我太辛苦, 叫護士幫我打
我係神志不清時打左都唔知呀

1:00pm 醫生終於到了
開始真係生b 啦
先綁住我隻腳
醫生叫我一大痛就用力
但果種痛係點都用唔到力的
真係痛到我每次都大叫

個個都叫我不要叫, side 力
但我唔叫真係頂唔順

護士開始催我
話咁樣 怕生唔到
我都很驚呀, 但我真係用唔到力

最後醫生叫我下一次用盡力
佢用吸管幫我吸 bb
咁我就用盡力一次唔叫,
醫生一吸
衰衰就出左生了

我立即鬆了一口氣
護士比衰衰我看
我真係無力看
只後就bb 出左去清潔
我就連針
都有少少痛呢

衰人就跟左b b 出去影相
直至我番房佢都無出現
原來佢食埋野先
你話佢幾嘆呀

就係咁, 衰衰就出左生了

細b 呢, 我唔想再捱果種痛了
今次會開刀生



















見營養師

見營養師

上次驗左有妊娠糖尿啦, 醫生安排我見營養師, 見一見都要 $850, 都很貴,
只係取資料, 話就話度身訂做, 跟隨你的飲食習慣幫你編排餐單
其實我 search 過資料, 大致都係果個 份量
每日 1800卡路里咁

不過都照去聽下啦
都傾左 1.5小時
明白多左糖尿既野

其實主要呢, 因為有左 bb (外物), 令身體暫時對接受糖份慢左
所以, 以前可以立即分解儲存糖份, 妊娠後就慢左
但因 肚內的 bb 不懂分別, 有糖份就會吸收
所以因此要控制血糖, 唔可以比佢太高
而令bb 吸收太多糖份而變巨b

我起初很唔明, 以為只介糖份就得啦
點解個餐單似足減肥餐咁
原來無論 飯, 麵, 油, 肉(蛋白質) 都係會有唔少部份變左糖份
所以唔止要停止食有糖份的食物, 連肉, 油, 飯都要限量

仲幫我計左全面的bmi 指數, 如果以我身高, 體重 etc. 我的 bmi 係正常的
不用減肥
但因為有 妊娠糖尿, 所以就要節制飲食

其實跟足餐單的話
可以話十分 健康, 每日食蔬菜, 水果, 飲湯, 食乳酪,  少肉, 多菜
係有限制的係飲品, 肉類, 飯
任食的有 全部菜類, 甘旬, 番茄, 青瓜, 豆腐等等
不可用油煎, 最好用蒸, 焗
避免罐頭, 精制, 腸, 火腿類


仲教左我煮快餐的方法
每晚煮定一煲清湯, 可以係雞, 肉, 骨 煲2小時
之後放雪櫃, 油份會自然係湯上, 取走油份
就可以再加想加的材料再煲1小時
這個方法很好, 我應會跟

另外, 跟外國人的西餐, 碟上
即碟頭飯, 晚餐就可以快煮, 快食
通常都有菜, 魚/肉, 飯, 湯
已是很有營養的一餐,

即當番茄肉/蛋清湯
節瓜肉碎飯

不用再以中國人的傳統, 晚餐弄數樣餸
平日的晚餐就可以早些食, 早些煮都很方便

不過要好好訓練衰衰接受, 佢一定彈少餸...haha

講番我的糖尿餐

任食的有 全部菜類, 甘旬, 番茄, 青瓜, 豆腐, 蛋白等等

8:00 am  早餐:  燕麥包 - 芝士一片/蛋一隻
  or 燕麥片一碗

10:30 am:  早餐小食
  1份生果

1:00pm lunch
    60g 肉 + 100g rice or pasta (40g), bread (50g)
    菜任食

4:00 pm     tea
 2份生果 + 10g nuts + yogurt or soymilk/ 奶

8:00pm   dinner

60g 肉, 100g rice or 40g pasta, bread (50g)

大致係咁, 要跟都唔難, 係 lunch 時很難就住個份量

知道左點點解控制同點控制, 個心都安樂些

同埋令我最開心係
營養師話我嘗試吉手指一星期先
如果指數ok 的話
跟足都係一樣指數就不用吉啦

係食了不同食物, 知道可能血糖會高左先吉

咁我都開心些, 不用吉咁多次

同埋如果自已控制到, 依7個月就可以有彈性些
食既野都唔駛太限制
偶爾放中下自已都應可以

haha



2013年7月10日 星期三

第二次產檢 @ 閃閃生光的豆豆 6w4d

第二次產檢 @ 閃閃生光的豆豆


上次醫生叫我下星期再去照
我本心大心小的
因為只是 6 weeks
我看 bk, 有d 人 要 7-8 weeks 先去照閃閃
即係 bb 的心跳
照一次都要 $2000, haha
如果照唔到, 下星期再去照
再 $2000
真係倒水咁

不過我都唔理了
真係很擔心
bb 有心跳, 即係過左一大關
證明真係一個新生命的開始
(我自已覺得豆豆可以受精, (因我已高齡, 仲要唔係身體強壯果種)
 著床, 已很奇炒, 之後的應會慢慢生長的)

今次去照係 6w4d
我見差不多都7weeks
應該見到的
就照去

今次都係要陰超
因為bb 仲細

醫生叫我看電視
問我見唔見有一閃一閃小星星呀
就係bb 心跳啦
我聽完bb有心跳, 個 心都跳左出來
之後, 醫生放大聲比我聽
真係聽到 卜卜聲
我真係笑左出來

很開心, 安樂哂

現在的 bb, 係似一粒豆, 只得 0.7cm

醫生說bb 有長大
上星期仲係胎胚 5.3cm
現在連 胎胚已有 6.5cm

很正常生長呀

小b, 媽媽就叫你做 小豆豆
媽媽同你衝了第一關了

你要一直黏實媽媽
努力成長呀

加油.........




始終要面對的驗血糖機


始終要面對的驗血糖機

話說我係醫生處驗左我有妊娠糖尿 (6 星期已驗出), 很慘
醫生叫我去 watson 買個 驗血糖機, 衰人話幫我買
我梗係唔會去 watson 啦, watson 同牌賣 $8xx
我 search d 醫療用品公司既都係 $680, haha

其實我一早買左了, 不過連盒我都唔想看
放了一星期.........
不過始終要面對
因為這星期要比個數醫生
迫不得而要去看點用

衰人仲話幫我試下先wor
點知, 佢看完竟然話唔敢
頂佢唔順

我見點都要做 ka 啦
就大力按個 制
hha, 原來唔痛wor

我見資料話血糖要控制去 7度以下

空復血糖其實我ok 的, 早上同餐前就 約 4-5度

食完晚餐後, 要看食咩野啦

我 有日食了一塊 龍利柳 + 薯條 , 羅宋湯
2小時後度數係 5度, 都ok 呀
不過就真係唔太飽

營養師教我要嘗試唔同的食物
看邊樣食完, 食多左會血糖高
就避免

不過白飯真係會高些的
衰人食左飯佢check 時
佢個 度數仲高過我呀, 6.9度
haha














2013年7月9日 星期二

7星期的小豆豆


7星期的小豆豆 (21/5/2013)

雖然已7星期了, 但媽媽知你係我肚內
只是 12日, hahaa

但已好似很耐咁
因為有一連串的驗血, 驗 oscar, 驗 nifty, 結構等住我去plan

touch wood 同上次陀衰衰一樣
我無嘔過呀
係個胃唔舒服同唔想食野
全個人很倦咁

返工呢, 因為每天除了 mtr, 我仲行 15分鐘先返到公司
而果條路, 很多人, 很多人一路行一路食煙
同埋有次我行完, 全身冒汗, 頭有小暈
haha,
之後就唔敢再博了

返工早些了同衰人一起出門, 佢車到我附近
我食完早餐先返公司

而放工呢,
haha, 我就搭的士了
貴就貴啦

至於放假呢
我唔敢去人多的地方, 有恐懼感
通常都係在床上
食同睡...haha

加上看下其他人的經驗
唔知點解很多人都有不愉快的經驗
我很驚呀, 很擔心
所以我都唔敢操勞
一切等小豆豆3個月先算
我知道自己一定丞受唔到比左我而無左的經驗
所以我要盡一切的能力保住小豆豆

至於我個肚, 我自己覺得已大左了
同埋肚係硬左同脹左


我自己想我都係休息多些
等小豆豆12週隱定了
我先過番正常生活
haha

身體不適 0-12 weeks

身體不適

上次陀衰衰時, 13年前 haha
我都很記得,
我早期係真係食唔到野
真係一點點都食不下
但果時無嘔過,
胃係無啦啦的脹, 有時仲痛
真係幾辛苦


13年後

我記得係我唔知自己有左果個星期
個胃係有唔舒服
出現過唔想食野
肚有谷 m 的痛
個人異常的無 mood同埋很倦
我完全無想過自已有左

之後果一星期就大wok 了
知道有左
可能心理問題
個人仲唔想郁
胃仲係唔舒服
唔想食野
全個人很難集中精神
很倦
一回家就上床
仲要很快睡左

頭12星期真係很難過
渡日如年

不過點辛苦我都會捱過的

始終係得來不易的小寶貝呀














妊娠糖尿


妊娠糖尿


自從有左後, 個人真係異常的倦
之前以為因為年紀大了, 身體負荷大了

原來一直擔心的問題出現左
倪醫生很奇怪, 開始知有了 bb 已叫我去驗血糖
即飲糖水測試
生衰衰時都有飲過, 不過係很後期
唔係咁早期
咁佢叫去驗 都 照去驗啦

先空肚抽血, 之後飲一杯超甜的糖水
我捱了10分鐘先飲完
之後再抽多一次血



2日後, 結果 fail 左
我都很意外呀,
我媽媽係有糖尿
但我3月body check 時無話我有糖尿的
真係有左bb 之後影響左 血糖


之後 果 7個月 , 要見營養師跟餐單食野
仲要介口
好似仲要每日自已 吉手指驗 血糖
很慘呀

大致每人只可咁食:

1800卡路里既餐,睇下o唔ok~

早餐 - 兩片麥包,加隻蛋,加杯奶
小食- 梳打餅一包
午餐 - 半碗飯,大量菜,三兩肉
小食-梳打餅一包,一杯奶
晚餐-半碗飯,大量菜,三兩肉,清湯
消夜- 水果一份
一兩肉等於一隻打牌個d麻雀咁大,飯大約5湯匙,記得少糖少鹽少油,食飽行下




知道依7個月不易捱
點知仲要控制埋飲食
雖然我唔大食, 但我很為食
咩都想食, 今次真係很攞命
鳴鳴


知道有左已與我最愛 凍 檸茶遠離
轉左 熱 檸水, 一包糖
現在連糖都不能下了.




BINGO - 5 WEEKS 3 DAYS

BINGO - 5 WEEKS 3 DAYS

M 小姐遲左一星期, 我都日日等佢呀
自從上次check 左, 話我卵子都開始退化
很難自然與精子結合
咁2013年我都收山了

不過都一路盡下努力啦
完全沒有預料係會 bingo 的

係 5月10日, 我生日果日, 想想下無奶由咁遲
依個星期仲很倦
胃同肚都唔c服
就買了驗孕棒 check 啦
我check 時真係很驚, 我都估有 80%中
真係中左, 我都很驚喜呀,
自已都要幾日先回覆心情
因為有太多野要安排了
之後的生活一定180度轉變








2013年7月8日 星期一

我一直朝思夢想的.........


各位, 我要向大家分享........



我終於再做媽媽了

如果早幾年已看我blog 的朋友
都知我想再做媽媽很耐了

如果係女就最好
不過努力過, hea 過, 問過醫生
都係無出現

正當2013年, 我想放棄了
亦在我毫無心理預備下

我竟然做了 高齡 媽媽

知道後都真係很 驚 且喜
很多野擔心
很多野要改變, 安排

不過我第一時間真係要感謝神
真的深深感受到,

兒女是耶和華所賜的產業
所懷的胎
是耶和華給你的賞賜


一知道有左
我樣樣都擔心的性格就搞到我很worry

盼之後的, 要順順利利的生產出我的 寶貝呀

我同小b 都有很多關要過


A MOMENT IN MY TUMMY
A LIFETIME IN MY HEART



小B呀,
媽媽深信你這個時候可以係我肚內
真係超級奇妙,
我們有的這個 緣份
你一定要一直黏住媽媽呀
  我們一家人都等著你出生呢

2013年7月3日 星期三

烹飪示範@德國 SILIT


 
今次很高興穫 PR 公司的邀請
參加新出的德國品牌 SILIT 廚具的烹飪示範
這個牌子已於 5月在 SOGO 有 專櫃, 係 名牌 WMF 同廠
 有興趣可以去 SOGO 看一看

見有新牌子, 我當然有莫大的興趣
仲查下佢有咩特點

原來 SILIT 係全德國制造, 很重身的
一隻平底WOK 比 LE CREUSET 的 全鐵仲要重
獨特的陶瓷Silargan保存了食物原味
不含鎳金屬, 無孔表面設計,  不會滋生細菌
SILARGAN 有防黏的功效, 但不似一般易潔WOK 不可刮花
佢可以用鐵剷刮都唔會花
即不用時常因怕花了塗層而要轉新的
一隻 SILIT 仲有 10年保養
信心的保證

不過價錢呢, HAHA, 比我想像中貴

http://www.silit.com/

SILIT 有一系列的廚具, 有 WOK, 煲
壓力煲, 蒸籠都有
色彩都十分吸引

除了廚具, 仲有一系列的配件都有的

今次請了由新加坡飛來的Chef Stephan Zoisl
用Silit廚具 示範四道菜

因為我有事遲到, 我去到時已煮了2道菜,
Double Boiled oxtail soup牛尾清湯
Foie Gras anglaise

很型同靚仔 CHEF...HAHA

第3道菜係 大蝦墨汁意大利飯
要介紹既係依個 蒸籠
很吸引呀, 我很喜歡
佢有幾層, 下層放水, 湯, 上層蒸食物
仲有個 溫度計
除了蒸, 仲可以煎, 炒, 煮, 炸
一煲已可多用途
第2樣要用的是 壓力煲
我很喜歡佢依個壓力煲蓋的設計
唔難用, 其他品牌的煲蓋比較復什
佢依個似一般煲的煲蓋, 易開易用
都係有個制可以放氣

講番 個蒸籠, 上層用來蒸大蝦




另外用壓力煲煮 意大利飯
很快, 5-10分鐘已煮完意大利飯

最後加墨汁
連試食的 PRESENTATION 都很靚
果然係米朱連大廚.....HAHA
最後一道係

Chicken stroganoff 忌廉波菜雞肉

今次用既係 煎炒鍋


完全不黏的塗層, 加上 SILIT 特別的物料 SILARGAN
令食物傅熱特別快, 所以煎炒食物特別快熟

雞肉熟後加上洋蔥
磨菇, 忌廉


最後加上波菜
我很喜歡這個菜, 配意粉一流
很 JUICE, 雞肉很滑

最後, PR 公司送了我們一個 SILIT 的產品試用
我下星期會開光
想知我的用後感, 就看下一個POST
HAHA



5-6月 SOGO 做緊 TRY ME PRICE
可以去看看呀

佢的價錢老實說真係唔便宜
不過當我看完佢的介紹後
同埋佢的重量, HAHA
我就知佢真係物有所值
因為用的物料, 保證不含鎳金屬
我最憎有 TELFORD 塗層, 影響健康
而佢不影響健康又可同時有防黏底的功用
我真係考慮緊 煎炒鍋
黃色很 SHARP






同時可明火及電磁爐的


今次很多謝公關姐姐的邀請
令我有更深入認識 SILIT 依個牌子
分分鐘仲破埋財 TIM
HAHA