2010 書展

衰衰等了今年的書展很耐啦, 因為佢想買兒童的科學, 平時要 $70@, 我上年係書展買過一些過期特價的比佢, 佢很喜歡, 所以佢今年想去書展看...仲有的係買過期的co-co, 上年我唔識, 沒有買比佢, 佢朋友話只 $2-5@, 佢都想去掃貨的..因為之前年年佢怕人多, 都係我自已去書展的...

今年的書展普遍少了特價, 每年一定掃的classroom exercise, 上年賣 $10@, 今年竟要 $20-35@, 沒有買了...仲有係衰衰在旁邊, 很煩的, 一見我看exercise, 就拉我走..haha..

而兒童的科學過期版都係只平了 $10, 都要 $70@, 有時係書報檔過期的都 $50啦...上年係 $100 for 3的, 沒有甘抵了...而 coco 仲衰, 過期的都要 $15, 原價都係 $20..

唔經唔覺都行左4小時, 關門先走...真係有些腳軟...

衰人接衰衰, 我就放工去行下先...所以都有時間行大人的hall, 衰衰在, 一定唔肯陪我行大人館的..都行了一圈, 只有1小時, 2父子到, 就上 兒童館會合衰衰, 衰人就去大人館, 大家都可以看下....

唔係買了很多, 都有少少收穫

兒童的科學, 唔係太平, 只買了一本, 本來想訂一年, 但都係只有 8折, 都係唔訂, 之後每期出左, 衰衰真係對那期有興趣先買..

衰衰選的書

這個cd rom, 英文要 $405, 中文要 $135, 其實我唔想買的, 係 local 香港 出, 都唔平...但係佢很識捉小朋友心理, 教完英文, 做完exercise 就有 games 玩, 唔合格係無得玩的, 衰衰鍾意個games, 我見都係學野...就買比佢啦..

衰衰看開 閱讀123的書, 有些故事出左續集, 就買比佢啦, 3本 75折..

點都要買些 exercise 比佢做啦..haha..

singapore 的, $50 for 2..

singapore 的 level 有些深, 所以買淺一些的..

到媽媽買左的書,

終於見到 rachel 的新書, 同仙姐出名的書, 一定買啦.

去正文社買左d 旅行書...

香港出版社很少出歐洲行的書, 只有台灣出版的.. 

 

泰汁魚餅 / 番茄湯@staub

一直都想用個 food processor 的 攪碎功能, 今次就試了魚餅..用了鯰魚柳2 塊, 只用了1匙的咖哩粉, 所以個色唔夠美, 但效果都ok, 我用手撻左數下, 都有少少彈口...

以後唔駛買蝦膠, 魚膠了...可以自己做, 下了什麼都知, 最重要係可以用高質素的食材..之前都有人同我講過, 街市d 魚膠用死魚做, 唔新鮮, 小食為妙...

本來沒有做個泰汁, 衰衰念念不忘, 叫我做比佢點喎...

20cm 的 staub 剪綵啦..今次用了佢滾湯...貪佢唔駛看火,

不過, 20cm 煲湯真係細左d...每人只得一碗..

不過, d 湯很出味, 用慢火只滾了 1.5小時..

staub 的鎖水功能果然名不虛傳..正呀..

 

 

話梅苦瓜/番茄

夏天天氣熱, 最配合食冷盤啦......

最近 search 派對美食, 覺得這個很配合餐前小食...之前係餐廳都食過, 很清新的..

原來梅酒仲可以浸生果, 都很開胃的.

買了以色列串茄, 先幫佢 peeling

另外將話梅用熱水煮15分鐘, 待涼後, 再加入小量梅酒, 放入番茄, 苦瓜, 入味些就放在雪櫃浸一晚

苦瓜係衰人至愛, 所以我都浸些比佢試下.

先用鹽出水去苦味, 不用煮太耐, 可保持苦瓜的爽脆,

衰人很喜歡, 食完再食..

仲有浸完的汁, 係可以飲番的... 酸酸甜甜 

 

2010 億(細)通開倉

上年都有去買野, 其實就係平時係快圖美的貨平些賣, 係我公司附近, 我當然上去818啦..

衰衰話這些就係我的玩具...同佢有些一樣, 買了放在櫃都無玩...haha...

target 係一個細的韓燒鍋, 但無貨

另一個 target 就係 這個朱古力小爐, 做朱古力方便些...

只 $49..

原來都有很多配件

另外 , 見一個溫泉蛋盒, 只 $15..買左玩下

同樣, 瑞士火鍋小爐, $15..都買左玩下

 

 

2010 天灸

上年係電視看過天灸, 話效果很好, 得到廣泛認可, 不過, 唔係日日都可以做..只係夏天最熱果3日先可以做, 到冬天, 本來想安排衰衰同衰人做, 因為佢2個有鼻敏感, 天灸對鼻敏感很有效, 都值得一試呀,

但係冬天要係夏天做左天灸先有效...再等了6個月, 夏天啦, 可以做天灸啦..仲要說服衰衰同衰人去做...為佢2個好, 比埋資料佢, 尋找埋中醫, 安排埋比佢, 個衰人都唔太願意咁...

衰衰就易ko , haha, 因為唔係針灸, 唔痛, 佢都易接受, 再比些利益佢, 就可以成交....

而我聽聞做天灸可以增強免疫能力, 所以我都做埋

起初擔心衰衰會怕熱, 但係佢都接受到, 衰人就話一些都唔熱, 唔知有沒有效喎...

2010年7月19日, 29 日, 8 月8 日

！

在特定的日子，在特定的穴位上貼敷特制藥片，借助藥物的特性對穴位的刺激，以激發經絡、調整氣血。

 

三伏天防治各種疾病如：過敏性鼻炎、慢性支氣管炎、哮喘、體虛易感冒、慢性胃腸炎、慢性腹瀉、風濕與類風濕性關節炎、強直性脊柱炎、頸肩腰腿痛、胸腹痛等虛寒性病症。

 

此法能激發人體在寒冬的抗病能力，改善症狀。三伏天灸是冬病夏治，是指一年中天氣最熱的時候，在此時做治療能提高身體的免疫力，增強抗病能力。

 

接受「三伏天」這寒病熱治的方法後，如在冬季接受「三九天灸」，可鞏固夏季「三伏天灸」的療效。

 

 

 

 

MANGO SOBERT

 

天氣熱, 我個冬眠左的雪糕機可以起床啦..

今次做衰衰最鍾意的 MANGO SOBERT...

鮮忙果/水/蜜糖 攪拌 放在雪糕機攪 30分鐘

衰衰超喜歡, 仲叫我生日會做比同學食喎..

我想緊唔用新鮮忙果, 用做蛋糕的忙果茸唔知可唔可以呢, 方便些MA...最大原因係唔係常有呂宋忙

 

 

泰式豬頸肉

衰衰很喜歡個泰式汁, 因為自己做可以唔太辣, 我就想泰汁配豬頸肉應該係絕配. 次次去泰國餐廳都叫,  去街市竟然無新鮮豬頸肉, 去凍肉店就有. 

醃料

檸檬葉 ,乾蔥碎, 芫茜碎,老抽, 魚露, 米酒, 砂糖, 青擰汁

要醃一晚

再焗熟切件就搞掂.

 

 

親子蛋糕班-忙果乳酪蛋糕

上次參加過親子烹飪班, 衰衰很有興趣似的, 常常叫我教佢, 但係在家佢唔係顧住看電視, 就係玩玩具, 很快就走開...無心機學同做..

今次見到有親子蛋糕班, 可以一起去玩, $160@,

真係抵玩.. 一次過報左4次, 每星期都有得玩..

今次做的係忙果乳酪蛋糕

材料很簡單: 乳酪 100g, 淡忌廉 190g, 糖 60g, 魚膠粉 7g與水20g , 忙果茸

全部衰衰都搶住做, 在家唔見佢咁有興趣

乳酪與糖攪拌

先將淡忌廉打至有紋, 杰身..

加忙果茸攪拌

再與淡忌廉, 魚膠粉水, 攪拌,

海棉蛋糕放在底

加已攪的忌廉,

中間放鮮忙果,

再放忌廉在上

雪至凝固

衰衰話用忌廉畫個星形喎

放些生果做裝飾

一小時就搞掂, 真係很快...

 

搪瓷

一次過滿足2個願望, 一直想買個hello kitty 小煲 和一個很田園的生果藍...今天終於買左啦..

因為一直擔心會易爛, 運費很重很貴, 但係佢的價錢真係很吸引, 我今次用了貴的順豐, 平均番d 運費同匯率, 都比香港平既,

這個 16cm的 hello kitty 小煲, 很得意, 很 cutie 呀 $50

在 很多bloggers 的 post 都出現過, 終於比我尋找到..實物真係很美.. $56

細的生果藍 $70

這個貴了少少 $40, 不過很喜歡那些花花

$30

這個很得意, 是匙都是飲管..只得1只, 想買多都沒有 $8

 

BANANA MUFFIN

係 T&P 度偷師, 跟做了香蕉鬆餅, T&P 話很 SMOOTH..但係我做出來很實, 似麵包多過似蛋糕, 問番 T&P, 原來1 CUP 的自發粉係 150G, 我看書話 250G..所以我用多了自發粉......HAHA....蝦碌變左 香蕉包.......

不過真係很香